Edkin:建造业无工开,是因为拉布?还是……


发布于: 2020-08-14

Edkin:建造业无工开,是因为拉布?还是……

Edkin:建造业无工开,是因为拉布?还是……

其实唔使听梁振英呼吁,我都知係你地几个拉布。事关拉布呢啲咁花精神时间既事,民主党一定唔会做。而可以拉布既技俩,又係冇几多招可以用,再减几个毛孟静之类觉得「唔好乱用拉布程序」既温和理性派,重唔次次拉布都係你地几个咩?

于是梁振英都可以点相,话认住你地几个唛头。

不过讲返转头,我坚唔知你地拉乜嘢布。其实我估大部分人连拉布係乜都唔知。一路食晏,一路睇住午间新闻,剩係睇到呀叶国谦声色俱厉咁话你地浪费纳税人金钱,加埋几个局长好委屈咁话你地阻住利民措施出台,咁你地一定係拎住份人工,收咗外国钱嚟搞事既政棍。对大部分香港市民嚟讲,冇嘢紧要得过有工返有粮出。香港人大部分都係信奉食玩训屌既直线生物,要佢地思考上转多两个弯,佢地会即刻跟唔到。你地拉布,香港市民既0/1思考单元係唔识问点解你地要「拉 布」。你话俾佢地听,因为小圈子选举,因为功能组别,因为分组点票,所以你地否决唔到个议案,所以要拉布。

Edkin:建造业无工开,是因为拉布?还是……

哗,咁複杂,你讲乜撚?其实都係,即係,搞事啦?

亦都係因为香港人只有单点既线性思考,香港人既因果逻辑一般都好混乱,亦都follow唔到历史。就以小弟从事既建筑业嚟做例子,而家由上到下都话要反拉布,因为拉布阻住工程拨款,拨款唔成功,于是冇工开,就係你地几个政棍係到搞鬼!

其实又係唔係咁呢?香港既工程界同世界其他地方都相似,一样係被政府政策牵住个鼻走。香港最旺既时代係九七年起赤鱲角机场的时候。当时英政府为咗用一单大工程嚟尽cap香港钱,就将赤鱲角机场工程搞到有宏伟得咁宏伟,工期有咁赶得咁赶,总之钱唔係问题。于是一时之间全香港建造业工人短缺,不但吸引一大班人入行,更对外开放英联邦外籍佣工进入本港工作。新机场完工无耐,已经出现人员过剩既情况,建造业既人工于是就由九七年开始一路下滑。然后又嚟董伯伯既八万五收皮,结果香港建造业既不正常供求去到沙士就一次过爆煲。当时,几多中层人员被迫中年失业,几多做左几十年既老伙记日日去乞求工作,再加埋负资产收楼,成个建造业简直哀鸿遍野。

好啦,衰足五六七年,仆街既仆街,挨唔住既人全部转晒工,加埋澳门起赌场请走部分伙记,个行头先至叫稳定落嚟。到零七年,扎铁师傅仲穷到要罢工添,当时工联会又出卖扎铁工人,应该又冇乜人记得。成个行业流失晒啲青年同壮年,净係得返啲老人家,完全成为夕阳行业。

吖,点知道差唔多到一零年,竟然搞条高铁出来。你以为英国佬搞个赤鱲角已经好离谱,点知大陆搵你地香港人嚟起高铁竟然仲狼死。好啦,到高铁工程一上马,香港由上至下,根本就唔够工程人员。霎时之间,地铁要由顾问公司手中抢人,承判商又再由地铁手上抢人,人工当然节节上升,更加吸引一大班贪人工高既蛋散入行。挨咗咁多年鹹苦,建造业员工简直一次过翻身。

咦?点解个故仔好似讲返转头咁既?係呀,如是者过左几年,高铁起得七七八八,为令到洗大咗既头唔好出事,政府跟手推出既好多个铁路工程其实开始又接近尾声。如果而家东北发展或者机场第三跑道叫停,建造业就会又再陷入之前一样既低潮架喇。

其实部分工程界一直以来都有呼吁,希望政府有计划咁推出工程,令业界不必盲目抬高价钱抢夺人才同资源,先至可以令工程有合理既造价,以及可以有足够时间培训人才。但係结果係点?咪好似其他功能组别对住政府咁样:即刻跪低,然后叩头咯。

咁而家你明未?对住一班净係识得返工同出粮,冇工返就哭丧,有工返就嚣张既建造业工人,你唔係谂住同佢地讲返呢啲耶稣同历史吓话?你唔係谂住同佢讲,如果要个行业稳定,就唔应该乱咁拨款批工程吓话?就算係管理层,都只係着眼于出面街有冇生意。库房越洗越多,牺牲地区工程嚟做大白象工程?Who’s fucking care!??

嗰几个拉布的议员听住,你地而家真係阻鸠住做生意。拉布同佔领都係一样,社会要有一定的公民「素质」,市民先至会理解。对于啲只求有冇饭食有冇閪屌既蚁民讲拉布?你不如讲乜係布拉肠粉重比较容易明白。今日我搵少咗就已经屌你啦,政府用咗我交既税嚟乱fing?我唔撚知,亦都唔撚理啰。

呢个香港,无人会感谢你既理性。大声话比其他人听只船就嚟沈既係搞屎棍,趁只船未沈,擸得就擸既先係叻仔。我係你,就快啲投共去攞多啲jet so好过啦。乜嘢拉布乜嘢佔领,都冇撚用既,唔兴架喇!

Edkin:建造业无工开,是因为拉布?还是……

作者Facebook专页,标题为编辑所拟,原题为〈喂, 嗰几个议员听住:我反拉布!〉



上一篇: 下一篇:

图文资讯

悲哀!国学大师陈寅恪的凄惨晚年

悲哀!国学大师陈寅恪的凄惨晚年

陈寅恪(1890~1969)生于湖南长沙,历史学家、中国古典文学大师,留学欧美,通晓二十种语言,中研院院士,晚年目盲身残二十年,在文革中被迫害致死。陈先生是当年

悲壮勇士Kevin Durant受伤始末 赌上篮球生涯为了证

悲壮勇士Kevin Durant受伤始末 赌上篮球生涯为了证

台北时间6月13日, Durant伤情得到确诊,他跟腱断裂,并在纽约成功接受了修复手术。Durant在社群媒体上发布了自己手术后的照片。从对阵火箭首次受伤后,D

悲怜上帝的女儿剧作家麦道夫逝世 享寿79

悲怜上帝的女儿剧作家麦道夫逝世 享寿79

知名舞台剧「悲怜上帝的女儿」(Children of a Lesser God)剧作家麦道夫(Mark Medoff),昨天在美国新墨西哥州拉斯克鲁塞斯(Las

随机推荐